Довербата значи познавање на трговските марки

Во истражувањето Trusted Brand 2013, што е спроведено во текот на септември и октомври минатата година, учествуваа 1.000 потрошувачи од Словенија.

Довербата значи познавање на трговските марки, сметаат 82 отсто од Словенците. Потрошувачите ѝ веруваат на трговската марка ако таа е сигурна, а компанијата нуди висококвалитетни производи, односно услуги, се некои од заклучоците од истражувањето што е организирано и спроведено во рамките на магазинот Reader's Digest.

| На довербата влијае и разбирањето на потребата на купувачите од страна на производителите, но и искуствата во врска со купувањето и користењето на трговските марки, објаснува главната уредничка на магазинот Reader's Digest, Лидија Петек (на сликата). |

Според нејзините зборови потрошувачите од Словенија ги купуваат оние трговски марки на кои им веруваат. Во нив спаѓаат производите што потрошувачите ги знаат и кои веќе ги пробале, но и оние што веќе им се препорачани од пријателите или кои добиле награда. За купувањето на трговски марки препорачани од пријателите или роднините се одлучиле 75 отсто од потрошувачите од Словенија. 

Доколку непозната или помалку позната трговска марка освои награда од пошироката јавност, околу 67 отсто би се одлучиле за неа. Доколку наградата ја додели стручното жири, за 61 отсто од испитаниците тоа е доволна мотивација да го пробаат производот, додека 79 отсто од Словенците ќе се одлучат за купување на непозната трговска марка доколку ја носи ознаката Trusted Brand.  

Резултатите од истражувањето го покажуваат и следново:

• 57 отсто се изјасниле дека е важно да веруваат во трговските марки;
• 55 отсто сметаат дека е многу важно компанијата да нуди висококвалитетни производи, односно услуги;
• 46 отсто од испитаниците велат дека е важно компанијата да се грижи за потрошувачите и да обезбедува добра услуга;
• 46 отсто истакнуваат дека имаат искуство со употреба и купување на трговска марка;
• 43 отсто кажуваат дека е важно производителот да ги разбира нивните потреби.