Добивката на „Подравка“ е над три милиони евра

Главното обележје на објавените резултати од работењето на групацијата „Подравка" што беше прифатено и од Надзорниот одбор е дека резултатите и во вториот квартал од оваа година се во согласност со планските очекувања.

Вкупните приходи од продажба изнесуваат околу 213 милиони евра, од што приходите од продажбата на храна и и пијалаци се околу 163 милиони евра, а приходите од продажбата на фармацевтски производи околу 49 милиони. Оперативната добивка (ЕБИТ) во првата половина од годината е околу 7 милиони евра, а остварената добивка е околу 3,3 милиони евра.

И покрај слабата куповна моќ и намалувањето на цената на лековите на хрватскиот пазар, како и негативното влијание на курсот на резултатите на странските пазари, особено на рускиот, задоволни сме што успеваме да го задржиме ритамот во остварувањето на плановите и резултатите во првото полугодие од оваа година. И понатаму ќе ја јакнеме нашата пазарна позиција и ќе ја подобруваме конкурентноста на компанијата, затоа што досегашните потези потрврдуваат дека се движиме во вистинската насока, истакна Звонимир Мршиќ, претседател на Управата на „Подравка".

| Во првата половина од оваа година „Подравка" го продолжи процесот на реконструкција со затворање на нископрофитабилниот сегмент на пекарството, а кон крајот на минатата година компанијата излезе од сегментот на свежо месо и смрзната храна, што ќе влијае за дополнително подобрување на профитабилноста во периодот што следува. Во споменатиот период, вреди да се истакне и признанието „Best Menaged Company in CEE"на списанието „Еуромани". Деловното водење на „Подравка", што го анализираше посебен експертски тим под покровителство на „Еуромани" беше оценето со високи оцени, а заклучокот беше дека „Подравка" оствари најголем напредок од сите компании во средна и источна Европа. Во анкетата учествуваа аналитичари од водечките меѓународни банки и институции. |