До крајот на годината ПКБ ќе има нов сопственик

Земјоделската корпорација Белград (ПКБ) до крајот на годината ќе добие нов сопственик, а позитивното работење на компанијата им го привлече вниманието на потенцијалните купувачи од земјата и од странство. Најсериозни купувачи се „МК груп“ и „Матијевиќ“, а се интересираат и инвеститори од Германија, Данска, Австрија, Кина и Русија.

Земјоделската корпорација Белград (ПКБ) до крајот на годината ќе добие нов сопственик, а позитивното работење на компанијата им го привлече вниманието на потенцијалните купувачи од земјата и од странство. Најсериозни купувачи се „МК груп" и „Матијевиќ", а се интересираат и инвеститори од Германија, Данска, Австрија, Кина и Русија.

Минатата година ПКБ оствари добивка од околу 1,92 милиони евра и засега претставува рекордер во производство на млеко. 

Според зборовите на Драгиша Петровиќ, директор на ПКБ, кон средината на оваа година ќе биде објавен оглас за заинтересираните инвеститори со цел собирање понуди, а потоа следува избор на најдобрите понудувачи со кои ќе се преговара околу купувањето. Петровиќ нагласи дека целиот процес ќе се заврши до крајот на годината, а ПКБ ќе се приватизира според моделот на продажба на дел од имотот.

Кон средината на мај ПКБ се најде на листата 17 претпријатија кои уште една година ќе бидат под заштита на државата од ненаплатените побарувања на доверителите. Поради лошото работење и неколкуте сопственички трансформации, од почетокот на деведесетите до 2012 година, направени се долгови од 27 милиони евра.