ДМ со пораст на прометот од 21,85%

Компанијата ДМ во деловната 2013 година, на српскиот пазар, забележа пораст на прометот од 21,85% споредено со претходната година. 

Успешната деловна политика на компанијата ДМ резултираше со продолжување на позитивниот деловен тренд и со тоа се зацврсти и понатамошното зајакнување на ДМ на дрогерискиот пазар во Србија, порачуваат од компанијата.

Од октомври 2012 година до септември 2013 година, компанијата отвори девет нови објекти, со што нејзината деловна мрежа сега брои 51 објект, и вработила повеќе од 50 нови луѓе, со што бројот на вработени се зголемил на 375.

Компанијата ДМ забележала успешен развој на работењето во цела Европа, во која во истиот период, во 2.893 објекти во 13 држави е остварен рекорден промет од над 7,6 милијарди евра.