ДМ ги претстави резултатите за 2012-2013 година

Управата на ДМ минатата недела ги претстави резултатите за деловната година 2012-2013 на хрватскиот пазар, каде уделот на овој трговец на пазарот на дрогериски прозиводи изнесува 25,84%.

Континуираната експанзија и насоченоста кон усовршување на асортиманот што на купувачите им овозможува поздрав и поквалитетен живот, на ДМ му осигураа место на пазарен лидер. Бизнис-резултатите на ДМ во изминатата деловна година се резултат на нашата 40 годишна традиција. Денес, исто како пред четири децении сме свесни дека усогласувањето на дејноста со повратните информации од купувачите е клуч за успешно работење, нагласи Мирко Мракужиќ, директор на ДМ. 

Благодарение на повеќе од 80.000 купувачи кои го посетуваат ДМ, во минатата година компанијата оствари вкупен промет во износ од 260 милиони евра. Во деловната 2012-2013 година, ДМ инвестираше повеќе од 5,64 милиони евра, а голем дел е инвестиран во отворање нови продавници и подернизација на постоечките. Денес, ДМ има 152 продавници во 60 хрватски градови, а во девет од нив работат и одделенија за безрецептни лекови и медицински производи. Во изминатата деловна година се отворени 42 нови работни места.