Деловните резултати на „Жито“ над очекувањата

Членовите на Надзорниот одбор на акционерското друштво „Жито" ги соопштија неревидираните резултати од работењето во 2014 година.

Друштвото оствари 113,7 милиони евра чисти приходи од продажбата, 3,7 милиони евра профит од работењето и добивка во износ од околу 3 милиони евра. Од групацијата изјавуваат  дека очекуваниот профит изнесува 2,3 милиони евра, со што остварениот резултат  го надмина очекуваниот за 32%.

Во споредба со 2013 година, подобрени се сите резултати во работењето. Во оваа година, друштвото оствари приходи од продажбата во износ од 106,4 милиони евра, профит од работењето во износ од 2,9 милиони евра и профит од 2,3 милиони евра.

Групацијата на домашниот пазар оствари 81% приходи од продажбата, а на странските 19%. Извозот порасна за 18,6%, што ги надминува планираните цели и на тоа поле.

На седницата е потврден мандатот на тројца членови на Управата, на кои функцијата им истекува на 18 мај 2015 година, а траењето на нивните мандати е изедначено со мандатот на претседателот на Управата Јанез Бојц, кој истекува на 14 јули 2017 година.

Бојц изрази задоволство од резултатите и додаде: Фокусирани сме на нашето примарно работење, на зголемување на извозот и на бројот на нашите купувачи. Така успеавме да ги постигнеме најдобрите резултати во последните неколку години и тоа покрај процесот на продажбата на поголемиот дел на акциите на „Жито".