„Делез“ не се повлекува, продолжува да инвестира

„Делез" продолжува да работи во Србија, под препознатливите марки Maxi, Tempo и Shop&Go, и не размислува за повлекување од пазарот, соопшти компанијата-ќерка „Делез Србија"

На средба со новинарите, новиот генерален директор на „Делез Србија", Квентин Роје, истакна дека белгиски „Делез" од поранешна „Делта" во Србија презела 300 малопродажни објекти, во моментов веќе има повеќе од 400 и годишно во работењто вложува 30 до 50 милиони евра.

Плановите за работењето во Србија, како што истакна Роје, не се доведени во прашање, по неодамнешното фузирање на компанијата-мајка „Делез" со холандски „Ахолд", туку работењето продолжува, дополнително зајакнато во системот „Ахолд Делез".

Коментирајќи го доаѓањето на „Лидл" на српскиот пазар, генералниот директор на „Делез Србија" смета дека тоа ќе биде добро, пред сѐ за купувачите, но и за нив, како компанија, како дополнителен мотив постојано да работат на подобрување на нивото на квалитетот на услугите и асортиманот.