„Делез“ ќе почне преговори за купување на маркетите Ц

Компанијата „Делез груп" може да почне со преговори за купување на 16,26% од вкупно регистрираниот капитал на маркетите Ц, соопштуваат од Агенцијата за приватизација.

Тендерската комисија што го следи спроведувањето на јавниот тендер за продавање на овие маркети ја одобри одлуката на Агенцијата за приватизација за оценката на понудата на „Делез" и донесе одлука за започнување на преговори со понудувачот, се наведува во соопштението. 

Комисијата за преговори ќе се формира во рок од седум дена од донесувањето на одлуката на Тендерската комисија за започнување преговори со единствениот учесник на тендерот, што е во согласност со продажбата на капитал и имот на јавен тендер. 

Во рок од 60 дена од денот на формирање на Комисијата за преговори, Тендерската комисија, од страна на ова тело ќе даде предлог дали да се одобри заклучувањето на договорот за продажба со белгискиот „Делез", кој минатата година го купи домашниот трговски синџир „Макси".