„Делез“ ќе дава плата во кеш

Белгискиот трговец објави дека на своите вработени на територијата на Грција ќе почне да им ја исплаќа платата во готово, во контекст на најновите случувања кои ја потресуваат оваа членка на Европската унија.

Од компанијата соопштија дека 12.000 работници од грчките продажни објекти на „Делез" ќе добијат плата во кеш, поради тоа што трговецот ги почитува своите вработени. „Делез" во Грција функционира под банерот „Алфа-бета Василопулос С.А.".

Во соопштението од компанијата се додава дека тие прават сè што е во нивна моќ, за да обезбедат доволни количества од најбараните производи во екот на паниката и куповната треска меѓу потрошувачите: Побарувачката е неверојатно висока, но успеваме да обезбедиме залихи во објектите. Забележавме дека потрошувачите сега многу почесто плаќаат со кредитни или дебитни картички. Во нормални околности, застапеноста на тој начин на плаќање е 15 отсто, а сега изнесува околу 45 отсто.