„Делез“ добитник на сертификатот CO2

Компанијата „Делез"-Србија е добитник на сертификатот CO2 за ефектот од намалувањето на емисијата на јаглерод диоксид во атмосферата врз основа на пласираните и рециклираните количества амбалажен отпад во 2015 година.

Како што е соопштено, по повод 20. годишнината од работењето, компанијата „Секопак" на претставниците на „Делез" им додели признание кое претставува потврда за заложбите и активностите на компанијата за заштита на животната средина.

Одржливоста и зачувувањето на животната средина е важен дел во стратегијата на работењето на нашата компанија. При секојдневните активности водиме сметка за сите сегменти што влијаат на заштитата на околината. Во минатите години рецеклирани се 4.600 тони картон и хартија, со што се спасени повеќе од 78.000 дрва, изјави Бојана Периќ, менаџер за заштита на животната средина во „Делез".

Во текот на минатите години „Секопак" собра 464 клиенти и благодарение на управувањето со амбалажа и амбалажен отпад, заедно со нив, успеа да ја намали емисијата за 24.000 тони јаглерод диоксид.