Делегација од амбасадата на САД во посета на „Подравка“

Минатата недела, во посета на „Подравка" во Копривница, беше висока делегација од амбасадата на САД во Хрватска.

                                 

Компанијата ја посетија амбасадорката, Јулија Валс Нојс, и директорот на бизнис-одделот во амбасадата, Дамјан Бенчиќ. Звонимир Мршиќ, претседател на управата на „Подравка" и Оливија Јакупец, член на управата, го претставија работењето на групацијата, при што гостите имаа можност одблиску да се запознаат со значајните проекти што го одбележаа работењето, производствениот асортиман, производствените капацитети и со развојните планови за наредниот период.

Делегацијата имаше можност да се запознае и со производството на познатата Vegeta, при посетата на фабриката за производство на Vegeta и јадењата на „Подравка". Овој бренд се извезува во 40 земји во светот, а достапен е и во САД.