Црногорската пршута на рускиот пазар

Шест домашни произведувачи на месо и месни производи добија конечна согласност од инспекциските органи за извоз на производи на пазарот во Русија, соопштено е од амбасадата на Црна Гора во Москва, пренесуваат локалните медиуми. 

Можност за извоз на производите на големиот пазар добија компаниите „Горановиќ", „Месопромет", „Градина компани", „Интерпродукт", „Нани пром", како и „Пантомаркет".

Ова е официјалната одлука на Федералната служба за ветеринарство и фитосанитарна контрола на Русија што е донесена по прелиминарната согласност од 2012 година, а која подразбира низа чекори за исполнување на неопходните услови, кажа амбасадорот на Црна Гора во Русија, Зоран Јоцовиќ.

Како што се наведува, процедурата за добивање на дозволата е покрената пред три години, а на добивањето на дозволата и претходеше усогласувањето на стандардите.