„Чипси веј“ наспроти кризата го зголемува производството

Компанијата „Чипси веј" од Чачак оваа година го зголеми производството за 103% во споредба со минатата година, а најголем дел од производите  е пласиран на странските пазари.

Директорот на претпријатието, кое во моментов вработува 85 работници, Томислав Бајевиќ, рече дека се подготвува план за 2015 година и очекува дополнителен пораст за уште 100%.

Резултатот е очекуван и остварен благодарение на квалитетот на компирите, технологијата и пожртвуваноста. Наспроти поплавите успеавме да ги надминеме неочекуваните препреки и да ги оствариме поставените цели, изјави Бајевиќ.

Раководството на компанијата планира да ги стимулира кооперантите, производителите на компири, кој оваа година поради временските неприлики претрпеа големи штети и имаа помали приноси. За таа намена обезбедени се околу 250 хектари.

Бајевиќ објаснува дека претпријатието е одговорно кон потрошувачите и дека нивните производи одликуваат со висок квалитет и поволни цени. Иако се соочуваме со сериозна конкуренција и отежнати услови во работењето, успеавме да пласираме над 70% од производите на странските пазари, пред сè во Грција, Босна и Херцеговина, Албанија, Црна Гора, Молдавија, но и во земјите од западна Европа, како Германија, Белгија, Шведска и Унгарија, рече тој.