„Брендленд“ во Сараево

Сараево и оваа година беше местото на настанот, каде што се собраа истакнати регионални и европски експерти од областа на пазарната комуникација, брендирањето и медиумите.

На единственото стручно маркетинг-случување во БиХ, „Брендинг конференција 04", што се одржа на 20 јуни во хотелот „Бристол", се разговараше за новите трендови и пазарните промени, предизвикани од развојот на дигиталните медиуми и важноста на брендирањето во деловниот процес и во креирањето на имиџот кај потрошувачите и во јавноста.

Најголемо внимание предизвика доаѓањето на врвниот експерт од областа на брендирањето, Јустус Шнајдер, извршен директор на „Интербренд" за централна и југоисточна Европа. „Интербренд" е најпознатата и најголемата светска мрежа за анализа и процена на вредноста на брендот, што постои од 1970 година.

Предавачи беа: Изток Грмек, амбасадор на Словенија; Јања Божиќ Маролт, сопственик на институтот за истражување „Медиана" (Словенија); Ади Хаџиараповиќ, директор за маркетинг и комуникации во „Мекдоналдс" (БиХ); Наташа Пуцар, генерален менаџер за корпоративна комуникација во „Студен & Ко холдинг" (БиХ); Јан Јилек, претседател на Управата на „Дигитална дистрибуција огласа" (Хрватска); Кристијан Грегориќ, регионален директор на „Атлантик група" (Хрватска); Давор Руње, основач и креативен директор на „Драп" (Хрватска); Иван Спајиќ Бутурац, специјалист за социјални и веб-медиуми во „Нестле Адриатик" (Хрватска); Варвара Љешковиќ, директор за маркетинг и корпоративна комуникација во „Црногорски Телеком" (Црна Гора); Ана Пеновиќ, програмски директор на „Јасно и гласно" (Хрватска); Валерија Преволшек, генерален директор на „Медиа пул" (Словенија); Ања Радуловиќ, креативен директор на „Лео Бурнет Београд" (Србија); Емир Ферушиќ, водител на програмата за продажба на промотивни материјали „Р&С" (БиХ); Драган Рујевиќ, директор на „New moment new ideas company/Young & Rubicam"(БиХ); Маша Чампара, генерален директор на „eMedia Patch New York" (БиХ); Борут Одлазек, менаџер за комуникации на „Голден драм" (Словенија).

Медиумски партнер, меѓу другите, беше и магазинот Instore.