Бранка Славеска – нов претседател на Управата на „Карловачка пивара“

Бранка Славеска е именувана за нов претседател на Управата на „Карловачка пивара". На оваа позиција ќе го наследи Александар Гершбахер, што на чело на компанијата беше од јули 2010 година.

Славеска ќе ја преземе должноста ан 1-ви декември. Таа поседува повеќегодишни искуство во индустријата за пијалаци, вкучувајќи стратешко планирање и развој на бизниси. Во компанијата „Хајнекен " работи од 2006 година. Пред доаѓањето во „Карловачка пивара" била директор на „Хајнекен – Русија". Работела и во компанијата „Хајнекен – Белорусија" како директор за продажба и дистрибуција. Претходно работела и за регионот Средна и Источна Европа во „Хајнекен", а била одговорна и за винаријата „Тиквеш" и „Пивара Скопје".

Да се биде претседател на Управата во мојата кариера е нов предизвик и се радувам за тоа. „Карловачка пивара" е успешна компанија со долга традиција и одлични брендови. Како претседател на Управата ќе продолжам да работам на посилни темели што ги има компанијата и ќе дадам се од себе за дополнително да го унапредиме работењето, изјави Славеска.