„Бивода“ планира извоз во Македонија и во Грција

Фабриката за вода и сокови „Бивода" годинава првпат ќе ги пласира своите производи во Македонија, а планира и влез на грчкиот пазар.

Директорот на компанијата, Ненад Зафировиќ, истакна дека со македонска компанија од Скопје е потпишан повеќегодишен договор за соработка, а компанијата интензивно се подготвува за влез на грчкиот пазар.

„Бивода", како што објаснува Зафировиќ, е заинтересирана за соработка со сите пазари во регионот, па освен странските пазари, како значаен пазар го издвојува пазарот во Косово, каде досега немаат значителен пласман на своите производи.

Косово ни е интересен пазар бидејќи е блиску. Остваривме одредени контакти на саемот во Приштина, така што очекувам во блиска иднина, сегашната „срамежлива" соработка да ја замениме со многу значаен деловен аранжман на тие простори, додаде Зафировиќ.