„Бамби“ отвори нова производствена линија за Plazma

Компанијата „Бамби" отвори производствена линија за Plazma во својата фабрика во Пожаревац која претставува инвестиција вредна 10 милиони евра.

Како што истакнуваат од компанијата, вложувањето во нов најсовремен погон ќе придонесе за зголемена ефикасност и проширување на производствените капацитети на фабриката која има стратешко значење за работењето на компанијата. На отворањето присуствуваа претставници на Владата на Србија, генералниот директор на „Мои брендови" Андреа Јовановиќ и генералниот директор на компанијата „Бамби" Бојан Радун.

Од почетокот компанијата „Мои брендови" има за цел ширење на работењето и понатамошен развој на компаниите „Бамби", „Имлек" и „Књаз Милош". Преку вложување во производствениот процес и примена на нови технологии сакаме да продолжиме со ширењето и да ја одржиме лидерската позиција на пазарите во Србија и во регионот, изјави Јовановиќ и истакна дека целта на компанијата е да ги одржи довербата и лојалноста на потрошувачите.

Благодарение на континуираните инвестирања, инвестиции и исполнувањето на највисоките светски стандарди, „Бамби" прерасна во една од најуспешните компании во Србија и лидер во кондиторската индустрија. Со проширувањето на асортиманот на „Бамби" и со новата производствена линија во која се вложени десет милиони евра, ќе се овозможи значително зголемување на производствените капацитети, изјави Радун.