„Атлантик група“ воведува чипс во својот асортиман

„Атлантик група" со компанијата ДОО „Канаан" договори стратешка соработка за услужно производство на асортиманот солен снек со можност за преземање на сопствеништвото.

Како што се наведува во соопштението доставено од страна на „Атлантик група" до Загрепската берза, во рамките на стратешката работна категорија Слатко и солено, со воведувањето на новиот бренд Chipsos, ќе се прошири асортиманот на солени снек производи, со палетата производи чипс.

Со овој чекор „Атлантик" се етаблира како значаен фактор во сегментот чипс на територијата на југоисточна Европа. Производството на чипсот е договорено со компанијата „Канаан" со седиште во Долен Михајловец, најзначајниот услужен производител во оваа категорија во Хрватска, што ги задоволува високите стандарди во производството и квалитетот на суровините и конечниот производ, стои во соопштението.

Заедно со договорената стратешка соработка во производство на чипс за новиот бренд, „Атлантик група" со компанијата „Канаан" го почнаа и процесот на длабинско снимање на работењето на компанијата. Во процесот се разгледуваат можностите за сопственичко поврзување на „Атлантик група" со „Канаан", односно преземање на поголемиот удел од сопствеништвото на фирмата „Канаан".