„Атлантик група“ со раст на приходите од 4,8%

Хрватската компанија „Атлантик група“ во 2012 година оствари вкупен приход во износ од 667,4 милиони евра, што претставува раст од 4,8% во однос на 2011 година, соопштија од компанијата. Според финансискиот извештај, компанијата 2012 година ја заврши со нето добивка од 7,4 милиони евра, што претставува годишен раст од 18,5%.

Хрватската компанија „Атлантик група" во 2012 година оствари вкупен приход во износ од 667,4 милиони евра, што претставува раст од 4,8% во однос на 2011 година, соопштија од компанијата. Според финансискиот извештај, компанијата 2012 година ја заврши со нето добивка од 7,4 милиони евра, што претставува годишен раст од 18,5%. 

Од извештајот се гледа раст на приходите од продажбата кај, при што најголем раст од 8,9% има сегментот на кафиња, производите за нега и здравје имаат раст од 7,8%, додека деликатесните намази 7,6%.

Хрватскиот пазар е најголемиот поединечен пазар на „Атлантик група" со учество во вкупната продажба од 26,6%, потоа следи српскиот пазар со 24,9%, Словенија со 13,2%, Босна и Херцеговина со 7,6% и останатите регионални пазари со 6,4% како и клучните западноевропски пазари со 7,3%. Пазарот на Русија и ЗНД со учество од 5,0% во приходите од продажбата бележат најголем раст од 31,4%. Останатите пазари учествуваат со приход од 8,9%.