„Атлантик група“ го претстави новиот директор за маркетинг

Алан Шќуриц од ноември минатата година е новиот директор за маркетинг за Стратешката област – кафе. 

Како што нагласуваат во компанијата, иако Шќуриц спаѓа во категоријата млади менаџери, тој има богато искуство во позиционирањето и водењето на лидерските прехранбени брендови на пазарите во Југоисточна Европа, кои ги стекна работејќи за интернационалните компании „Данон" и „Дукат". Продолжувајќи ја повеќегодишната кариера во маркетингот, Шќуриц во „Атлантик група" ќе биде задолжен за поставување и реализација на амбициозните маркетинг-планови во врска со регионалното работење на компанијата. 

Мојата цел е да се препознае и да се приспособи постоечката понуда на трендовите на модерниот животен стил. Верувам дека со меѓународното искуство што го стекнав во текот на работата на странските пазари ќе дадам свеж поглед на водењето брендови на регионалниот лидер во производство на кафе, како дел од „Атлантик група", изјави за InStore Шќуриц.

„Атлантик група" е една од водечките прехранбени компании во регионот со седиште во Загреб, со производствени погони во Хрватска, Германија, Словенија, БиХ, Србија и Македонија, и со развиено работење во 11 земји.