„Атлантик група“ бележи двоцифрен раст на повеќето деловни сегменти

Во првиот квартал од 2018 година, „Атлантик група" оствари вкупни приходи од продажба од 152,4 милиони евра, што претставува зголемување од 3 отсто во споредба со истиот период минатата година.

Добивката пред (EBITDA) изнесуваше 16,2 милиони евра, што претставува зголемување за 11,3 отсто, додека нето-добивката по малцински интерес се зголеми за 17,8 отсто на 8,2 милиони евра. Исклучителни резултати беа постигнати  еднакво кај дистрибутивниот бизнис и сопствените брендови, со кои се компензираше недостигот на приходите од услугата за производство на спортска исхрана поради продажбата на производните капацитети на белгиските Aminolabs.

„Атлантик група" одлично почна уште една деловна година. Важно е да се истакне дека порастот на приходите е проследен со раст на профитабилноста, што укажува на тоа дека ова е здрав и одржлив пораст. Понатамошно намалување на долгот, значително пониските финансиски трошоци и зголемување на ликвидноста ни овозможи да се фокусираме на уште поамбициозен план за пораст во иднина, изјави Емил Тедески, претседател на Управата на „Атлантик група".