Argeta и Donat Mg во конкуренција за „Еуро Ефи“

Две кампањи од компанијата „Атлантик груп" влегоа во најтесниот избор за кандидат за европската награда за ефикасност на маркетинг-активностите „Еуро Ефи".

Во првиот круг на оценување жирито избра 44 кампањи, а победниците ќе бидат објавени на 17 септември, на свеченото доделување во Брисел.

Во конкуренција се кампањи од 34 агенции од 11 држави. Германија е присутна со 17, Велика Британија со 9 и Франција со 4 кампањи.

Во категоријата производи за широка потрошувачка за наградата ќе се бори кампањата „Мајките одобрија" за брендот Argeta, што компанијата ја реализираше во соработка со агенцијата „Публицис". Втората кампања е за брендот Donat Mg под називот „И на трудниците им е потребен Donat Mg", што беше направена во соработка со агенцијата „Пристоп".