Alpsko mleko со ознака – Избран квалитет

„Љубљанске млекарне", што работат во составот на „Лакталис", пласираше млеко со ознака за посебно потекло. Засега, знакот „Избран квалитет – Словенија" се наоѓа само на Alpsko mleko.

Кон крајот на месецот, Alpsko mleko со новата ознака ќе биде поставен на полиците, а се очекува и други стотина производи на „Љубљанске млекарне" да го добијат овој знак.

„Избрана каковост – Словенија („Избран квалитет – Словенија) е нова национална шема за потврда на квалитетото за земјоделските производи, односно храна со посебни карактеристики што се однесуваат на составот, квалитетот на сировините, посебна здравствена сигурност на животните, начин на хранење, должина на транспортни патишта, производство, брзина на преработка на сировина и што е можно пократок период на складирање и транспорт.