„Агрокор“ се договори за кредит од 50 милиони евра

Концернот „Агрокор" договори кредит во износ од 50 милиони евра со француската банка „БНП Парибас Фортис", известија неколку компании од составот на „Агрокор", што котираат на Загрепската берза и се жиранти за тој кредит.

Вкупниот износ на кредитот е 50 милиони евра, а основниот капитал е поделен на две транши во износ од 25 милиони евра. Кредитот е подигнат за реконструкција на постоечкиот долг и за развивање на деловните активности на компанијата, истакнуваат од „Агрокор".

Кредитот е одобрен со рок на враќање на првата транша од 6 месеци, од денот на повлекувањето на средствата и втората транша од 18 месеци, од денот на склучувањето на договорот. Договорот, како што се наведува е склучен на 17 април.