„Пекабеско“ ги претставува своите производи на саемот MEATMANIA во Софија

Компанијата „Пекабеско“ учествува на регионалниот саем за месната индустрија MEATMANIA, кој се одржува од 11 до 14 ноември во Софија.

На саемот, тимот на компанијата ги претставува своите производи и остварува деловни средби со потенцијални партнери. Од „Пекабеско“ наведуваат дека настапот е можност за воспоставување нови соработки и проширување на присуството на странските пазари.

„За нас, ваквите меѓународни настапи се многу повеќе од претставување на производите. Тие се можност за поврзување со нови пазари, следење на трендовите во индустријата и градење долгорочни деловни односи“, посочуваат од компанијата.

MEATMANIA обединува компании и професионалци од месната индустрија, овозможувајќи размена на искуства и воспоставување деловни контакти. Од „Пекабеско“ истакнуваат дека учеството е дел од нивните заложби за меѓународна промоција и создавање нови можности за раст.