Српска „Будимка“ продадена за 1,8 милион евра

Една од најголемите фабрики за храна во Србија - „Будимка“ е продадена на јавна лицитација за 1,8 милион евра, на компанијата „Итн груп“ од Косјериќ.

„Итн груп“ се занимава со иновации во земјоделството и со производство на смрзнато овошје и зеленчук.

Како што истакна Вера Марковиќ, директор и косопственик на „Итн груп“, почетните инвестиции ќе достигнат 5 милиони евра, а се очекува да почне со работа напролет.

Имаме цел да продолжиме со работењето, да ја прошириме дејноста што веќе постои во фабриката во Косјериќ. Во оваа фабрика произведуваме смрзнато овошје и зеленчук, кои се 99% наменети за извоз, објасни Марковиќ.

За купување на „Будимка“, во која производството престана во 2015 година, интерес во текот на изминатите години покажаа компании од Србија, Европа и од Азија.