БиХ доби дозвола да извезува јајца во ЕУ

Европската Комисија (ЕК) ѝ дозволи на Босна и Херцеговина да извезува јајца за преработка на пазарот на Европска Унија. 

Мирко Шаровиќ, министер за надворешна трговија и економски односи на БиХ, изјави по одобрението за извоз на пилешко месо, извозот на јајца е уште еден успех за целата прехранбена индустрија на БиХ. 

До сега, во ЕУ не можеше да се извезе ниту еден производ кој во себе содржи јајца од Босна и Херцеговина. Со ова го отстранивме и тој проблем, така што и производителите на композитни производи, како што се тетстенини, пекарски производи и слично, сега можат непречено да извезуваат, изјави Шаровиќ. 

По добивањето на дозволата за извоз на јајца за преработка на европскиот пазар, БиХ ќе испрати и барање за дозвола за извоз на конзумни јајца. Тамошните власти очекуваат дека ова одобрение ќе го добијат наесен.