Словенија планира да им забрани на трговските синџири да фрлаат храна

По примерот на Франција, Словенија планира да стане втората европска земја која ќе го забрани отпадот од храна од трговските синџири. Во Франција, во 2019 година стапи на сила законот кој бара супермаркетите, големите дистрибутери на храна и производителите да не фрлаат храна.

Инаку, строгите закони на Европската унија за безбедност на храна честопати се во спротивност со локалните правила, а големи количини храна се повлекуваат од продажба - иако е совршено безбедна и може да се јаде. Според извештајот на Обединетите нации, во 2022 година, околу 19 отсто од глобално произведената храна, или околу 1,05 милијарди метрички тони, биле потрошени низ целиот свет.

Словенечкото министерство за земјоделство подготвува закон според кој храната што е пред истек или се уште е добра за малопродажба ќе се донира на хуманитарни организации.

Извор: ekapija.com

Фото: Pexels