Србија: Отворен е новиот маркет на „Гомекс“ во Панчево

Во Панчево на улица Кикиндска 1, во населбата Котеж, отворен е новиот маркет на „Гомекс“. Објектот, кој се простира на површина од 139 метри квадратни, на купувачите им нуди широк избор на прехранбени и непрехранбени производи.

Посебен акцент е ставен на свежината, па купувачите секојдневно ќе можат да избираат од внимателно одбрано овошје и зеленчук, млечни производи, сувомесни производи и други основни намирници. Седуммина вработени ќе обезбедат брзо и пријатно искуство во купувањето.

По повод отворањето, „Гомекс“ подготви низа промотивни акции и изненадувања, вклучувајќи награди за секој педесетти, стоти, двестоти и тристоти купувач.

„Гомекс“ продолжува да ја шири својата малопродажна мрежа, со цел да им понуди на купувачите низ Србија безбедно, достапно и пријатно купување на дофат, велат од компанијата.

Извор: InStore.rs

Фото: „Гомекс“