„Туш“ нема да ги промени цените на основните прехранбени производи

Словенечкиот трговски синџир „Туш“ објави дека нема да ги менува цените основните прехранбени производи до крајот на септември и покрај сите прогнози за поскапувања на пазарот.

Асортиманот на производи ги вклучува најчестите прехранбени производи и производи за лична хигиена, кои се на удар на други трговци на мало кога станува збор за поскапувања.

Постојано преговараме со доставувачите и се обидуваме да го менаџираме најавеното поскапување, бидејќи сме свесни како тоа влијае на семејниот буџет на нашите потрошувачи. Оттука, одлуката за замрзнување на редовните цени на основните производи е наш придонес за ублажување на ефектите од поскапувањата во Словенија, нагласува „Туш“.

Од компанијата истакнуваат дека и покрај различните акции и промоции се обидуваат да ги ублажат светските поскапувања, кои се преселија и во Словенија.

При купувањето на 11 производи од нашиот основен асортиман со производи чии цени нема да се променат, „Туш“ на потрошувачите ќе им подарува и одредени производи, додаваат од компанијата.