Од почетокот на годината месото во Црна Гора поскапи до 60 отсто

Цените на свежото месо од почетокот на годинава се зголемени за 30 до 60 отсто, во зависност од видот, велат најголемите црногорски производители и преработувачи на месо.

Свинското месо е најскапо, а е најувезувано бидејќи неговото производство во Црна Гора е занемарливо.

Директорот и сопственик на „Мартекс“ од Цетиње, Драган Мартиновиќ, изјави дека увозот на свинско месо е зголемен за 70 до 80%. Компанијата „Мартекс“, која произведува сувомесни производи, го набавува свинското месо од Германија, Холандија и од Шпанија.

Ѓорѓиjе Горановиќ, директор и сопственик на Месната индустрија „Горановиќ“, изјави дека од почетокот на годинава цените на сите видови месо се зголемени за 30 до 60%.

Говедското, телешкото и јагнешкото месо поскапеа за 35 отсто пред два-три месеци и меѓу 5 и 10 отсто пред неколку дена, изјави Хилмија Франца, сопственик и директор на „Месопромет“, нагласувајќи дека овие видови месо исклучиво се од нивните погони и кооперативни фарми.