Србија се затвора од утре

Во Србија од утре до понеделник се воведуваат мерките кои важеа за викендите, односно целосно заклучување, а исклуок ќе бидат само продавниците за прехрамбени продукти, аптеките и бензинските пумпи само за точење на гориво. 

Премиерката Ана Брнабиќ најави дека ова ќе важи најмалку до понеделник, но засега нема да се воведува полициски час.

Државните институции продолжуваат со работа, како и градинките, банките и поштите.

Ова е компромисно решение. Мерките се остри, но ќе траат само пет дена, иако Кризниот штаб побара да траат две недели. Дали мерките ќе бидат продолжени и после понеделник, зависи од сите нас, кажа Брнабиќ.

Во Србија секојдневно се зголемува бројката на новозаразени со коронавирус, иако досега 791.000 граѓани примиле две дози од вакцината.