Нов „Стокомак“ во Тетово

Од средината на септември продажната мрежа на „Стокомак" е побогата за уште еден нов маркет, лоциран на улицата 29 Ноември во Тетово.

Новиот „Стокомак" се протега на вкупна површина од 280 м², од кои 200 м² се продажен простор. Асортиманот го сочинуваат голем број производи за широка потрошувачка од домашни и од странски производители. Потрошувачите можат да се услужуваат на три наплатни каси, а персоналот во маркетот го сочинуваат шест вработени.

„Стокомак" е присутен со 39 продажни објекти во Скопје, Куманово, Штип, Тетово, Прилеп и во Кочани.