Намален бројот на работници во индустријата

Бројот на работниците во индустријата во февруари годинава, во споредба со истиот месец лани, е намален за 4,1 отсто, соопшти Државниот завод за статистика.

Според статистика, гледано по сектори, бројот на работниците во секторот рударство и вадење на камен во февруари 2025 година, во споредба со февруари 2024 година бележи опаѓање од 2,3 отсто, во секторот преработувачка индустрија од 4,3 отсто и во секторот снабдување со електрична енергија, гас, пареа и климатизација од 1,5 отсто.

Според главните индустриски групи, бројот на работниците во индустријата во февруари 2025 година, во споредба со ланскиот февруари, бележи пад кај енергија за 2,6 отсто, кај капитални производи за 6,3 отсто, интермедијарни производи, освен енергија за 1,3 отсто и кај нетрајни производи за широка потрошувачка за 6,3 отсто. Пораст бележи кај трајни производи за широка потрошувачка од 18 отсто.

Бројот на работниците во индустријата од јануари до февруари 2025 година, во споредба со првите два месеца од 2024 е помал за 3,8 отсто.