САД: Објавена листата на најбрзо растечки трговци на мало

Националната трговска асоцијација на САД заедно со истражувачката агенција „Кантар“ ја објавија листата нареченаHot 100, со најбрзо растечките трговци на мало за 2020 година.

Листата се темели на податоци кои го потврдуваат напредокот во домашното работење меѓу 2018 и 2019 година и ги опфаќаат сите трговци на мало во САД кои остварија продажба поголема од 300 милиони долари. 

Американската филијала на германскиот „Лидл“ се наоѓа на прво место, и тоа втора година по ред. Тој има напредок на продажбата од 69 отсто, со 1,9 милијарди долари во 2019 година. „Лидл“ има 97 локации на исток во земјата(во 9 држави) и нешто повеќе од 100 продавници. Само оваа година беа отворени повеќе од 20 продавници и голем дистрибутивен центар.