„Карлсберг“ очекува пад на оперативната добивка од 10 до 15 отсто

Еден од најголемите производители на светот, данскиот „Карлсберг“, очекува пад на приходите од работењето од 10 до 15 отсто за оваа година, првенствено поради забраната за работа на угостителските објекти ширум светот. 

„Карлсберг“, пред кој по остварени приходи од продажба се само пиварниците „АБ Инбев“ и „Хајнекен“, најголем пад има на пазарите во Кина и во Западна Европа, бидејќи ова се пазари со најголем промет.

Сите пазари на кои „Карлсберг“ е присутна на еден или на друг начин се под влијание на пандемијата, но вработените во компанијата покажаа огромна подготвеност да се справат со ситуацијата, што ни помогна да го стабилизираме нашето работење, соопштија од пиварницата.