„Метро“ го шири работењето преку виртуелна продавница

Германскиот големопродажен синџир „Метро“ лансира нова операција во Мјанмар, и тоа преку виртуелна продавница која им нуди на потрошувачите ефикасен дигитален систем на порачување и испорака на производи. 

Складиштето покрива подрачје од 5.800 квадратни метри. 

Модерната логистичка инфраструктура е така опремена што може да прими, складира, процесуира и пакува стоки, и сето тоа во согласност со строгите стандради за квалитет и безбедност на храната. 

Трговецот нуди асортиман од повеќе од 2.000 прехранбени и непрехранбени производи. Потрошувачите имаат избор да нарачаат преку интернет-страницата на „Метро“ или преку апликација. Испораката е со најсовремени камиони во кои режим за одржување на температурата. 

Новиот капацитет овозможи вработување на 150 лица. Од нив, 90 отсто се локални жители. 

Покрај ова, „Метро“ организира и обуки за локалните добавувачи на риба и на пилешко месо за безбедност во производството и ракувањето со храната, како и обуки за добра земјоделска пракса за 200 производители на овошје и зеленчук.