Данска: „Карслберг“ со пораст на приходите во третиот квартал

„Карслберг“ пријави раст на приходите од 1,3% во третиот квартал, или 2,75 милијарди евра.

Овој пораст компанијата го припишува на растот на приходите од 2% по хектолитар, како и на порастот на обемот на продажбата.

Во овој период, производителот пријави силен раст на премиум портфолиото на пазарите како Индија, Малезија, нордиските земји, Германија, Казахстан, Украина и на Балканот, но растот на овие пазари не успеа да го компензира падот на обемот на продажбата во Кина, Франција и Велика Британија.

Ова беше тежок квартал, под влијание на предизвикувачкото потрошувачко опкружување и временските услови. Сепак, постигнавме раст на обемот и приходите на повеќето наши пазари. Задоволни сме од развојот на нашите клучни категории на долгорочен стратешки раст. Додека го чекаме очекуваното затворање на аквизицијата на „Бритвик“ во првиот квартал од 2025 година, задоволни сме што нашето партнерство со „Пепсико“ дополнително ќе се прошири со два дополнителни пазари кои ќе се приклучат од 2026 година, што укажува на долгорочниот потенцијал на нашата соработка, изјави Џејкоб Аруп - Андерсен, извршен директор на „Карлсберг.“

Приходите на компанијата од почетокот на годината достигнаа 59,2 милијарди дански круни (7,94 милијарди евра), што е раст од 3% во однос на истиот период претходната година.

Компанијата ги задржа своите насоки за целата година, очекувајќи раст на оперативната добивка пред посебните ставки, во опсег од 4% до 6%.

Извор: InStore.rs

Фото: „Карлсберг“