САД: „Амазон“ претстави нов формат на продавници

Компанијата „Амазон“ лансира нов формат на продавници „Амазон гроусери“, а првата продавница од новиот формат е отворена во Чикаго во зградата „Уан Чикаго“.

Продавницата се протега на површина од 353 квадратни метри и се наоѓа на вториот спрат од зградата, на местото на кафулето кое беше дел од „Хол фуд“ маркетот. Продавницата  во својот асортиман вклучува околу 3.500 артикли.

Целта на продавницата е да ги поттикне купувачите кои купуваат во маркетот „Хол фудс“ да навратат еден кат погоре и да купат намирници или артикли за носење како што се кафе и оброци.

Секогаш бараме начини да им го олесниме купувањето на намирници за купувачите, без разлика дали е онлајн или во продавница. Тестираме и учиме со новото искуство за купување намирници со продавницата на „Амазон“ во мал формат под ист покрив со пазарот на „Хол фудс“ во зградата „Оне Чикаго“. Со овој нов концепт, купувачите можат да ги купат своите омилени природни и органски производи на „Хол фудс“и намирници во „Амазон“  со едно влегување, заштедувајќи време и пари, изјави Џесика Мартин, портпарол на „Амазон“.

Купувачите сега можат да ги купуваат своите омилени природни и органски брендови додека брзо ги надополнуваат своите намирници со поголем избор на омилени национални брендови, оброци и предмети за домаќинството - сето тоа во едно влегување, објави на „Ликендин“,  Тони Хогет, виш потпретседател на „Амазон“ за продавниците за прехранбени производи.

Тој неодамна сподели информација дека откако во 2017 година „Амазон“ го купи  „Хол фудс“, трговскиот синџир забележал пораст на продажбата за над 40%.

Извор: InStore.rs

Фото: „Амазон“