Свет
ЕУ: Се укинува забраната за увоз на жито од Украина
27 Sep 2023
Европската Унија ја укина делумната забрана за увоз на жито од Украина, барајќи наместо тоа Киев доброволно да го спречи скокот на извозот во соседните земји.
Полска, Унгарија, Романија и Словачка побараа ограничувањата за четири житарки, вклучително и пченицата и пченката, да бидат продолжени до крајот на годината за да ги заштитат нивните земјоделци од евтината конкуренција.
Брисел заклучи дека нарушувањата на пазарот во земјите-членки на ЕУ кои граничат со Украина исчезнаа откако беше воведена привремената забрана во мај. Пркосејќи ја одлуката на Брисел, Полска и Унгарија најавија дека еднострано ќе применуваат ограничувања на увозот за да ги заштитат своите земјоделци.
Европскиот комесар за трговија Валдис Домбровски ги повика земјите-членки да работат во духот на компромисот и порача дека, секако, најдобро би било земјите-членки да се воздржат од еднострани мерки.
Европската комисија најави дека наместо формална забрана, Киев ќе воведе законски мерки во рок од 30 дена за да се избегне зголемување на извозот на жито. Истекот на забраната ќе ја смири Украина, која му се закани на Брисел со тужба.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Се вчитува следна вест...
Најчитано
НОВ БРОЈ НА INSTORE И ВОДИЧ НИЗ КАТЕГОРИЈА
Октомври 2024 / MUST HAVE БРЕНДОВИ НА ПОЛИЦА 2023/2024
MUST HAVE БРЕНДОВИ НА ПОЛИЦА 2023/2024Мапа на трговци 2024, Мапа на дистрибутери 2024
Мапа на трговци 2024, Мапа на дистрибутери 2024