„Мигрос“ лансираше вегански тврдо варени јајца

Швајцарскиот малопродажен синџир „Мигрос“ претстави приватна трговска марка на тврдо варени јајца на растителна основа, за кои тврди дека се први вакви во светот. 

Лансирани се под брендот V - Love The Boiled и овој месец ќе бидат претставени во одбрани продавници во Цирих, Базел и Женева. „Алтернативното јајце“ го разви истражувачкиот центар на „Мигрос индустри“ во Швајцарија, како резултат на повеќегодишни истражувања. Јајцата ги произведува компанијата „Елса“, подружница на „Мигрос“ во Швајцарија.   

V-Love The Boiled јајцата се направени од протеини на соја и се состојат од две различни маси. Во тек на производството, надворешната бела обвивка е исполнета со жолчка на база на зеленчук. 

Производот ќе биде достапен во пакувања од по 4 парчиња. 

V-Love е вегетаријанскиот бренд на „Мигрос“, лансиран во 2020 година. Асортиманот вклучува повеќе од 100 производи.