„Хајнекен“ ќе отпушти 8.000 работници

Производителот на пиво „Хајнекен“ има во план да скрати 8.000 работни места и ќе се обиде да заштеди 2 милијарди евра за две години откако новиот извршен директор Долф ван ден Бринк ја промени втората по големина компанија за пиво во светот. Сето ова се случува за време на пандемија што и нанесе најголем удар на индустријата за пијалоци во последните неколку децении.

Бринк најави дека ќе скрати скоро 10% од 85.000 вработени во холандската компанија како дел од програмата за враќање на маргините и зголемување на продуктивноста.

Новите планови беа објавени откако „Хајнекен“  објави загуба за 2020-та година. Компанијата што стои зад брендовите како Amstel, Tiger и Moretti соопшти дека минатата година остварила нето загуба од 204 милиони американски долари, откако остварила профит една година порано, во износ од 2,2 милијарди евра. Ова е резултат на затворањето на пабовите и баровите за време на пандемијата, што ги намали приходите за 17% до 23,8 милијарди евра.

Според извршниот директор, неговиот стратешки план има за цел да го приближи „Хајнекен“ до потрошувачите, да го подобри дигиталното работење и да ја насочи компанијата „подалеку“ со меки или пива со малку алкохол.

Компанијата ќе се обиде да ја врати маржата на оперативна добивка од 12,3% во последната година на 17% до 2023-та година, истовремено подобрувајќи ја „брзината, агилноста и надворешната ориентација“.

Отпуштањата вклучуваат 20% намалување на трошоците за вработените во седиштето на „Хајнекен“. Разделбата од вработените се очекува да заврши до крајот на првиот квартал.

Заштеда на 2 милијарди евра до 2023-та година ќе и помогне на групацијата да ги врати своите трошоци за маркетинг, да инвестира во технологија, да ги ублажи инфлацијата и девизните трошоци, соопшти компанијата.

Обемот на продажбата на пиво на „Heineken“ падна за 8,1% на органска основа во 2020-та година, откако социјализацијата беше ограничена поради пандемијата. Компанијата тврди дека новите ограничувања во четвртиот квартал влијаеле на нејзиниот бизнис во Европа, каде што помалку од 30% од баровите и рестораните биле отворени до крајот на јануари.

„Хајнекен“ очекува „условите на пазарот постепено да се подобруваат во втората половина на 2021-ва година и да продолжат да се подобруваат во 2022-ра година, со значителни разлики меѓу пазарите и каналите“.