Приходите на „Еуроспин“ пораснаа за 9% во 2025 година

„Еуроспин ЕКО“, дел од италијанската „Еуроспин група“, во 2025 година остварил нешто помалку од 324 милиони евра приходи од продажба, што претставува раст од 9% во споредба со 2024 година, пренесува STA.

Нето-добивката на компанијата достигнала 11,3 милиони евра, што претставува зголемување од 39,8% на годишно ниво.

Во текот на 2025 година „Еуроспин“ управувал со 59 продавници, без промена во споредба со претходната година, додека бројот на вработени се зголемил за 40 и достигнал 913.

Кога станува збор за другите играчи на словенечкиот пазар, „Шпар“ во 2025 година пријавил приходи од 1,261 милијарда евра, што претставува раст од 7,4% во однос на претходната година.

„Меркатор“, пак, ја завршил годината со нето-добивка од 12,8 милиони евра, со што за првпат од 2011 година повторно работел профитабилно.

Компанијата „Енгротуш“, во чии рамки работат продавниците Tuš, во текот на 2025 година остварила приходи од продажба во износ од 460,6 милиони евра, што е за 5,5% помалку во споредба со претходната година.