Планирањето никогаш не било поважно – но никогаш и потешко. Во услови на нестабилност, нарушени синџири на снабдување и постојани оперативни предизвици, дури и најдобрите прогнози брзо се соочуваат со реалноста. Панел-дискусијата „Предикција во време на непревидливост: како се носат вистинските одлуки?“ ќе ги отвори клучните прашања за оваа тема.
Своите ставови, мислења и решенија на панел-дискусијата ќе ги споделат: Бобан Трпезановски, национален менаџер за патна логистика во „Kuehne+Nagel“; Виолета Митковска, раководител за контролинг, известување и планирање и анализа (P&A) во „Atlantic Grupa“ – Македонија и Станиша Ивановиќ, CEO на „Fresh Line“.
Бобан Трпезановски е искусен професионалец во логистиката и управувањето со синџири на снабдување, со долгогодишно искуство во патна логистика и транспорт. Со повеќе од 25-годишно искуство во „Kuehne+Nagel“, повеќе од една деценија го раководеше тимот за продажба и маркетинг во Македонија и во регионот. Во моментов ја извршува функцијата национален менаџер за патна логистика, каде што е одговорен за развој и управување со патни транспортни решенија, унапредување на оперативните перформанси и обезбедување клиентски-ориентирани логистички услуги. Тој има изградено силна експертиза во патен транспорт (FTL/LTL), оптимизација на синџири на снабдување и прекугранична логистика, работејќи во тесна соработка со тимови и партнери низ регионот.
Виолета Митковска е сениор финансиски лидер, со повеќе од 17 години професионално искуство во финансиското управување, со експертиза во контролинг, финансиско известување, планирање и анализа. Моментално ја извршува функцијата раководител за контролинг, известување и планирање и анализа (P&A) во „Atlantic Grupa“ – Македонија. Во текот на кариерата, таа има значајно искуство во водење и развој на високоефикасни тимови, целосна P&L одговорност и имплементација на процеси насочени кон зголемена оперативна ефикасност и одржлива оптимизација на трошоци. Препознаена е како стратешки бизнис-партнер на менаџментот, со силен аналитички пристап и фокус на донесување одлуки базирани на податоци, долгорочна вредност и одржлив пораст.
Станиша Ивановиќ, CEO на „Fresh Line“, образованието го стекнал на Executive Education на Kellogg School of Management (USA), Executive MBA од University of Sheffield (UK), како и менаџмент на Економскиот факултет при Универзитетот „Св. Кирил и Методиј“ во Скопје. Има долгогодишно искуство во агробизнисот и логистиката. Негова специјалност е извоз на свежо овошје и зеленчук и управување со меѓународни синџири на снабдување. Под негово водство, компанијата работи со големи европски супермаркети и оперира на повеќе пазари низ Европа (Скандинавија, Германија, Полска, Србија и Романија), со фокус на квалитет, ефикасност и пораст.
Во организација на „Кликер маркетинг“ и магазинот InStore, Supply Chain Summit ќе обедини повеќе од 250 професионалци од индустријата, малопродажбата, логистиката, производството и технолошкиот сектор, создавајќи платформа за размена на знаења, искуства и практични решенија за современите бизнис-предизвици.
14 мај 2026
Скопје
Пријави се на:
info@supplychain-summit.mk
