„Јамница“ вложува во роботизација на деловните процеси

„Јамница“ во почетокот на јуни воведе систем за автоматизација на поставување нарачки за клиенти преку автономен робот. 

Инвестицијата во вредност од повеќе од 460 илјади евра во моментов е имплементирана во логистичко-дистрибутивниот центар во Јастребарско .- Предноста на автоматизацијата е особено видлива во вонредни и предизвикувачки ситуации како што е денешната предизвикана од пандемијата на коронавирусот. Автоматизацијата и роботизацијата го поедноставија работењето и го намалија ризикот од стопирање на деловните процеси. Инвестирајќи во модернизација на системот, обезбедивме подобри услови за работа, притоа почитувајќи ги највисоките безбедносни стандарди, додека одржуваме високо ниво на ефикасност. Ова е особено важно во индустријата за пијалаци, чија главна карактеристика е посебната сезонската побарувачка, кога логистиката и дистрибутивните процеси доаѓаат до израз, истакна Дарио Шалиќ, претседател на Управниот одбор на „Јамница“.

Спроведувањето на новиот роботски систем за редење го намалува бројот на потребни извршители, го зголемува нивото на безбедност при работа, особено во сегментот на рачно рангирани нарачки за клиенти, и создава цврста основа за идните надградби на деловните процеси.

Автоматизацијата на целиот систем значително придонесува за забрзување на деловните процеси и на овој начин може да се зголеми бројот на лица на позиции каде што е клучен човечкиот фактор, истакна Маријан Врандежиќ, извршен директор на синџирот за снабдување.