„Ер Србија“ повторно ќе лета од 21 мај

Со летови за Франкфурт и за Цирих на 21 мај, националниот српски авиопревозник „Ер Србија“ ќе почне да го обновува редовниот патнички сообраќај, пренесе агенцијата „Танјуг“.

Од следната недела, компанијата ќе има летови за Лондон и за Виена, со што ќе биде продолжено поврзувањето на Белград со градовите во Европа. 

Бројот на неделни летови ќе зависи од побарувачката на патниците, но и од ограничувањата на регулаторните тела во земјите до кои „Ер Србија“ лета. 

Од компанијата информираа дека истовремено работат и на обновување на регионалните линии и многу брзо ќе биде познат распоредот за овие линии.