„Метро“ ќе им исплати награда на работниците

На сите вработени „Метро кеш & кери“ – Хрватска ќе им исплати награда во износ од по 1.000 куни (по околу 130 евра).

Со исплатата на симболичната награда сакаме да им се заблагодариме на колешките и колегите чии одговорност, предаденост и труд во оваа вонредна ситуација нè инспирираат. Горди сме на нашите вработени кои вредно и одговорно работат за да на купувачите им овозможиме квалитетна услуга, изјави Ана Јосиповиќ, директорка на човечки ресурси во „Метро кеш & кери“ – Хрватска.

Од компанијата истакнуваат дека се применети различни мерки за заштита на вработените и купувачите, како поставување на дезинфекциски средства на повеќе места во маркетите, социјална дистанца од два метри, маски и ракавици за вработените и сл.