Пораст на малопродажбата во Словенија

Реалните приходи од продажба на мало во Словенија во јануари се повисоки во однос на декември, но и во однос на јануари минатата година, објави словенечкиот завод за статистика.

Во однос на декември, реалните приходи од продажба на мало во јануари се зголемени за 2,4%. Приходите од малопродажба на моторни горива се зголемени за 8,5%, од продажба на мало со храна за 2,4%, а приходите од продажба на мало со непрехранбени производи бележат пораст од 1,7%.

Во 2024 година, реалните приходи од продажба на мало паднаа за 0,6% на годишно ниво. Приходите од трговија со моторни горива во овој период се намалени за 6,4%, а приходите од трговија со храна се зголемени за 1,5%, а од трговија со непрехранбени производи за 0,3%.

Растот на цените во Словенија благо забрза на почетокот на 2025 година, а статистичарите забележаа годишна стапка на инфлација од 2% во јануари, по 1,9% во декември минатата година. На месечно ниво, потрошувачките цени се пониски за 0,4 отсто, најмногу поради зимската продажба на облека и обувки.

Најголем придонес во јануарската инфлација имаше растот на цените во групата „Транспорт“ од три отсто и пораст на цените на храната и безалкохолните пијалаци од 2,3 отсто. Услугите во рестораните и хотелите имаа пораст за 4,8 отсто.

Извор: InStore.rs

Фото: Pexels