Србија: Фискализацијата на пазарите нема да биде задолжителна до крајот на 2025

Продавачите на пазарите и во слични објекти до крајот на следната година се ослободени од евидентирање на прометот преку електронски фискални каси, затоа што Владата на Србија ја измени постоечката регулатива со која се уредува ослободувањето на одредени дејности од задолжително евидентирање на прометот преку фискални каси, пренесува „Танјуг“.

Малите претприемачи кои работат на пазарите, тезгите и во слични објекти, беа ослободени од евидентирање на прометот преку фискали каси до крајот на оваа година.

Во уредбата која ја донесе владата  и која е објавена во Службен весник се вели дека рокот е поместен од 31 декември 2024 година на 31 декември 2025 година.

Одлуката за продолжување на овој рок е донесена врз основа на анализата на актуелната состојба, која укажа дека многу од оние кои работат во овој сектор од   сѐ уште не се подготвени за спроведување на електронска фискализација.

Главната причина е специфичноста на нивната дејност, која вклучува работа во променливи услови и често во простор без пристап до инфраструктурата потребна за електронски уреди.

Извор: Agroklub

Фото: Pexels