Во Крагуевац се отвори фабриката „Пуратос“, вредна 7 милиони еврa

Во Крагуевац свечено беше отворена фабриката „Пуратос“, во присуство на претставници на компанијата, претставници на Владата на Република Србија, локалните власти и медиумите.

Инвестицијата вредна седум милиони евра дополнително го зајакнува присуството на компанијата во Србија и претставува важен чекор кон понатамошниот развој на локалната економија и индустријата на пекарски, кондиторски и чоколадни производи.

Новата фабрика обезбеди 15 нови вработувања, додека при изградбата беа ангажирани само домашни подизведувачи, соопштија од компанијата. Посебно внимание се посветува на одржливоста и еколошката одговорност. Фабриката е опремена со најмодерна технологија, која овозможува годишно намалување на потрошувачката на енергија еднакво на потрошувачката на 100 домаќинства во Србија.

Извор: InStore.rs

Фото: Миодраг Тодоровиќ